Queridos lectores de A Xanela
Neste tempo de Nadal, o noso corazón volve ao humilde portal de Belén, onde hai 2025 anos naceu Xesús porque non había sitio na pousada. As portas pecháronse, pero os anxos abriron os ceos e cantaron “Gloria a Deus”. Este ano, no que toda a Igrexa celebra o Ano Xubilar da Esperanza, lembramos que Deus nunca deixa de vir ao noso encontro, mesmo cando nós non sempre abrimos a porta.
En Carballo celebramos tamén un aniversario moi especial: 50 anos da nosa Igrexa parroquial, pousada sempre aberta para acoller a Xesús no altar e nos irmáns. É motivo de gratitude e festa para toda a comunidade. E, con humildade, Comparto con vós a alegría de cumprir 60 anos de sacerdocio, lembrando que cada vez que celebro a Eucaristía, Xesús nace de novo nas súas mans. Agradece ao Bo Pastor que guía os nosos pasos e a todos vós, que axudastes a construír comunidade e a acoller a Cristo nos irmáns. Que este Nadal sexa para todos un tempo de esperanza, de portas abertas e de gratitude compartida.
Ao chegar ao final deste ano 2025, o noso corazón énchese de agradecemento. Foi un Ano Xubilar da Esperanza, un tempo de graza que quedará gravado na memoria da nosa Unidade Pastoral. Celebramos con emoción os 50 anos do templo parroquial, casa de Deus e fogar espiritual para tantas xeracións. Vivimos tamén a alegría da inauguración do Cristo Resucitado na Igrexa da Milagrosa, unha imaxe luminosa que nos lembra que a última palabra sempre é a Resurrección. E acompañamos con gratitude os 60 anos de ministerio de Don José, pastor entregado ao servizo do Evanxeo.
Todo o vivido (celebracións, oracións, proxectos pastorais, xestos de solidariedade) fortaleceu a nosa comunidade. Sentimos que o Señor camiña con nós, que o seu Espírito nos anima e que a súa presenza nos sostén. Agora, con esperanza renovada, abrimos as portas ao ano 2026, pedindo ao Señor que bendiga as nosas familias e proxectos, e que nos axude a seguir construíndo unha comunidade viva, acolledora e misioneira. Que cada celebración sexa encontro con Cristo e cada xesto de fraternidade, semente de esperanza.
Neste espírito de Nadal, lembramos que esta festa é, ante todo, Deus que nace no noso corazón. Xesús non quere descansar nun pesebre, senón en nós, especialmente a través da Eucaristía. As luces que iluminan as nosas rúas e casas recórdanos que Cristo é a luz do mundo, e que tamén nós estamos chamados a ser luz. Os villancicos son unha felicitación á Sagrada Familia e unha alabanza ao Deus feito neno. O árbore de Nadal é un xesto de cariño á Virxe María, ofrecéndolle o fogar que non atopou en Belén. E o pesebre, centro da celebración, recórdanos que a verdadeira alegría nace da humildade, da esperanza e do amor.
A verdadeira festa do Nadal non se entende sen solidariedade. Mentres haxa fame e pobreza, haberá celebración, pero non verdadeira Nadal. Por iso Xesús nos espera cada día na Eucaristía, para enchernos do seu amor e enviarnos a compartilo cos demais. É a “locura do amor de Deus”, que se fai pan e viño para nós.
Como cada semana, compartimos tamén os nosos avisos comunitarios. Este domingo, na misa das 12:30, realizaremos a bendición das imaxes do Neno Xesús, convidando ás familias a traer as súas figuras para colocalas no Belén da casa. Ao rematar, os nenos converteranse en “semeadores de estrelas”, repartindo unha estrela para felicitar o Nadal.
O luns 22, os mozos da confirmación visitarán o xeríatrico, celebrando a misa, cantando villancicos e levando a alegría do Nadal aos maiores. O mércores 24 celebraremos a Misa de Noiteboa ás 20:00, con adoración do Neno e inauguración do Belén. O día 25, ás 12:30, viviremos a Misa da Natividade, con escenificación do nacemento vivente.
O sábado 27 celebraremos as Bodas de Diamante, Ouro e Prata matrimoniais, e o domingo 28 a festa da Sagrada Familia. A Asociación Cultural “O Candíl” invita á escenificación do Belén vivente en Sísamo os días 25 e 6 de xaneiro. E en Goiáns celebraranse as festas patronais de San Esteban os días 25 e 26.
Que este Nadal nos atope unidos, agradecidos e cheos de esperanza. Que Xesús, que nace humilde en Belén e cada día na Eucaristía, encha os nosos fogares de luz e paz.
Bo Nadal