Este 24 de xuño de 2018, un moi caluroso domingo, permitiu aos veciños de Carballo celebrar as festas patronais en honra a San Xoán Bautista. Ás doce e media tivo lugar a celebración da Eucaristía na que participou a Coral de Bergantiños e na que o alcalde, Evencio Ferrero, realizou a tradicional invocación ao santo.
A misa estivo presidida polo párroco, José García Gondar, e concelebrada por Xosé Pumar Gándara.
Na homilía, García Gondar, destacou a figura de San Xoáan Bautista: “El foi o máis grande dos nados de muller antes da chegada de Cristo, en palabras do mesmo Jesús, no Evanxeo”. Destacou tamén que a parroquia sempre ten as portas abertas, acolledora para todos, e tivo unha mención moi especial para os máis necesitados e para os que sofren diferentes pobrezas.
Posteriormente, unha vez terminada a Eucaristía, a procesión abriuse paso entre as rúas de Carballo para completar un itinerario no que tomaron parte, nun lugar preeminente, representantes de todos os grupos políticos municipais e outras autoridades.
Homilía completa de José García Gondar
Invocación do alcalde de Carballo, Evencio Ferrero
Misa en honor ao patrono San Xoán Bautista
Publicación anterior