(Poema Infantil)
Benvida, María, ao adro parroquial
terás en Carballo, acollida cordial.
Aquí estaba o teu sitio desde anos hai
pois ti es, de Misericordia, gran Nai.
Onda ti, María, viremos rezar
tamén penas e bágoas chorar.
Amámoste, Señora, desde nenos
de por vida teus sempre seremos.
Polo mes de maio, traeremos flores
pois es a Raíña dos nosos amores.
Polo ano adiante, moitas rosas,
as máis belidas das hortas nosas.
Polo mes de San Xoán, carabeles,
de Bergantiños, non os hai coma eles.
Aquí, diante do teu caladiño recuncho
esparexeremos arrecendente fiúncho.
Polo mes de Difuntos, crisantemos
que no noso invernadoiro temos.
Por febreiro, o amarelo das mimosas
pois, Nai, corazón de ouro, te amosas.
E panxoliñas no mes de Nadal
que son o mellor do noso cantoral.
No corazón de cada carballés
o mellor altar para ti tes.
Salve, Nai de Misericordia!
Xosé Pumar