Restauración total da Catedral. No exterior e interior. Falta facía nun santuario tan visitado. E na súa fachada do Obradoiro, tan afectado polos populares Fogos do Apóstolo.
Iremos en peregrinación, admiraremos o botafumeiro. Pero, e qué cantamos?
O himno “Santo Adalid” cumpre no ano 2.020 cen anos. Observamos que todos os himnos e motetes que hai adicados ó Apóstolo, teñen a mesma temática: a loita contra o Islam.
Obras de Tafall, Soler, e recentemente de Pérez Millán, todas nos chaman a esa loita. Lembramos a trompetería bélica dos motetes que se cantaban na Catedral polo novenario do Apóstolo.
Mentres que os tradicionais en latín (como “Dum Pater familias” do Códice Calixtino e “O Beate Iacobi”) prefiren falarnos da peregrinación, da obra evanxelizadora de Santiago.
Dado que o fenómeno xacobeo é universal, sen fronteiras, o himno ao Apóstolo ten que referirse a valores apreciados nas diversas culturas. Anque non sexan esencialmente cristiás.
A xusticia universal, a colaboración e integración dos diversos pobos, o amor ós menos favorecidos, o coidado do planeta, a vida humana como peregrinación a un destino común…Finalmente, todo isto solicitado a Deus pola intercesión de Santiago Apóstolo. Velaí os temas que debería incluir o novo himno ó Apóstolo
O compás, lento, como de un camiñante pensativo; ademais, adaptado ó voo do botafumeiro.
Letra en latín. Pero con traducción ós idiomas máis falados.
Música comedida na tesitura para que fose accesible a todos.
Finalmente, melodías gregorianas que chamaríamos “universais”, deben ser entonadas nas celebracións da Catedral.