De San Cristovo, con toda devoción,
traemos a urna de Cristo xacente
a esta solemne, gran procesión,
en honor do Señor crucificado.
Traemos a imaxe de Xesús postrado
que alí na nosa igrexa veneramos
pois El padeceu polo noso pecado,
o noso amor por El proclamamos.
Ademais o Sto. Cristo sepultado
mesmo cabo da fonte bautismal
temos a Cristo Xesús resucitado
con El nacemos á vida inmortal.
Pasión, Morte e Resurrección
do Señor son triple afirmación
tampouco remataremos na morte
pois temos infinita, mellor sorte
Para Cristo, todo o noso amor
pois chorou dorosas bágoas
e así foi o noso Redentor
vencendo as nosas mágoas.
Acompañamos á Virxe María
levámola na nosa memoria,
pois chegará, si, un día
no que compartamos a gloria.
Pedimos á Nai celestial
con toda a nosa terneza
nos dea a súa fortaleza
para chegar á patria eternal.
Amén