Vodas de Ouro

por

De Quiroga, o gran cardeal,

con vintedous anos cumpridos

recibiu a ordenación sacerdotal.

Era polo mes de Nadal

do ano sesenta e cinco.

En San Estevo de Oca nacido

naquel senlleiro pazo

a Primeira Misa ten ofrecido.

Na vila dos Andrade

o seu currículo empezou

seguiu na Santa Salomé

a onde enviado foi

xoven apóstolo, abofé.

Mais a Carballo chegou

como destino final

e misión trascendental

para el e os seus pais.

Corenta e tres anos

do medio século sacerdotal

tempo abondo foron

para amosar o seu amor

a esta familia parroquial

da gran vila carballesa

de Bergantiños capital.

Homenaxe agora rendimos

á súa entrega e fidelidade,

moito tempo queda aínda

para gozar coa súa amizade.

Arcipreste e Vicario Episcopal

e a bispo non arribou

porque normas disque hai

alleas á realidade pastoral.

Perda foi para o episcopado

ficaron sen un compañeiro

que lles serviría de fareiro,

leal, nobre, ilustrado,

e outros valores ten,

aló vai a gran ocasión

non sei por culpa de quen.

A Deus por sempre gloria

e que María Nosa Señora

o bendiga nesta hora

que gardamos na memoria.

Que San Xosé e San Xoán

o teñan da súa man,

bendigan a todo Carballo

e do seu párroco o traballo,

a quen hoxe queremos louvar:

Don Xosé García Gondar.

 

También te puede Interesar

× ¿Cómo puedo ayudarte?