Queremos recoller nomes de familias que deron, polo menos, dous sacerdotes para servir a nosa Igrexa diocesana, no século XX, en Bergantiños, ou tamén vocacións relixiosas destinadas ao servizo da Igrexa universal, pero nacidas en Bergantiños.
Entendemos por Bergantiños o territorio do partido xudicial de Carballo.
Damos a todos os sacerdotes o tratamento de Reverendos. Señores. Don. E poñemos o seu nome tal como figura no D.N.I. Ás relixiosas dámoslle o tratamento de Sor. A meirande parte xa están na Casa do Pai onde recibiron o premio dos seus traballos. Hoxe, son para nós estímulo e exemplo, tanto para sacerdotes como para seglares.
Faremos varias entregas para así dar cabida a tantos ilustres e beneméritos sacerdotes. Recoñecemos que poderemos ter erros. Esperamos que os atentos lectores nos axuden a correxir. Agradecémolo.
Parroquia de San Martiño de Cores:
José Mª Anido Rodríguez, cóengo e profesor do Seminario.
Modesto e Jesús Anido Grela. Aquél, profesor do Seminario, autor dunha fundación favorecendo ao devandito Centro. Jesús, foi párroco de Piñeiro, Ames.
Francisco, Silvestre e Jesús Couto Anido. Que foron párrocos de Vimianzo, Caión e Padrón respectivamente.
Maximino Suárez Anido, párroco de Cordeiro, Valga.
Anotemos a Sor Couto Anido, superiora das Clarisas en Santiago.
Familia López Varela ten tres membros relixiosos:
Eliseo, párroco de Buño.
Antonio, leigo carmelita en Madrid.
Efigenia, relixiosa mercedaria en Santiago.