Durante o ano temos moitas festividades dedicadas a María Santísima. Unhas, son solemnidades na liturxia da Igrexa; outras son festas populares, advocacións diversas que xurdiron aquí e acolá.
Poñamos un pouco de orde valorando unhas celebracións e outras.
1-Estatuto especial de Nosa Señora na obra da Redención. María, por gracia de Deus, é Nai de Xesuscristo, conseguintemente Nai de Deus e da Humanidade. Nisto fundaméntase que María sexa a Inmaculada, a Plena de Gracia, Co-Redentora, Mediadora de toda gracia.
Finalmente, premiada coa Asunción. María colabora en toda esta iniciativa divina, con toda entrega ós plans de Deus.
2-Desa Maternidade de María para todos os Redimidos resultan moitos títulos que expresan a protección de María sobre nós.
Polo xeral, as letanías recollen invocacións a María desde as máis variadas situacións humanas. Por iso seguimos invocando a María con múltiples oracións litánicas que xurden na Igrexa.
3-Finalmente hai advocacións marianas que son, digamos, histórico-continxentes. É dicir, que podería non habelas pero foron nacendo na creatividade da piedade mariana do Pobo de Deus. Por exemplo:
- A) A advocación ou títulos referidos a territorios: Monte Carmelo, Lourdes, Fátima, Guadalupe, Almudena, Atocha…
- B) A advocación ou títulos a imaxes: Ollos Grandes, Moreneta, Macarena, A Barca, Nosa Señora do Pilar…
- C) Santos da Igrexa crearon títulos para María: Nosa Señora do Rosario,dos Milagros, Milagrosa, de la O, Perpetuo Socorro, das Mercedes, Mª Auxiliadora…
Estos procesos seguen abertos. Son como fotografías de Nosa Señora que o pobo quere conservar e venerar como proba do afecto filial a María Santísima. Todas teñen a lexitimidade que lle dá a autorización da Igrexa.