“Desque se pon o Sol, pouco día queda”, dicían antano os nosos devanceiros. Como hoxe temos luz artificial polas noites, non vivimnos o solpor co sentimento tráxico dos antepasados.
Para quen onte cumpriu 81 anos, o refrán de marras acáelle moi ben.
No día 8 de outubro celebra a Igrexa o día do santo ancián Simeón, que ao ver no templo de Xerusalén ao Neno Xesús, esclamou que xa quedaba completa e satisfeita a súa vida. Gústame a actitude de Simeón , que recordamos acotío cando rezamos as preces do final do día.
Mirando cara adiante,temos a festa do Pilar. Bendiga Nosa Señora do Pilar a cantas mulleres e nenas levan tal haxionimico;bendiga o barrio do Chorís e á Benemerita Garda Civil que vela pola orde pública e nos protexe a todos; bendiga a esta España en crisis económica e de unidade, que ten a Festa Nacional no día da Nosa Señora do Pilar.