Outro poema do noso rural

por

O Padre Nuestro Pequeniño

Oración netamente galega. Creación anónima do pobo. Temos oído cachos da mesma a xente maior.

Hai referencia ás Tres Marías do Calvario. Son, ademais de María a Nai do Señor, María Salomé, María de Cleofás e María Magdalena. Esta é a máis popular.

1- “Padre Nuestro Pequeniño,

guíame polo bo camiño,

aló fun e aló cheguei,

Tres Marías encontrei.

Preguntando por Xesús

e Xesús estaba na Cruz

e na Cruz e no Altar

cos peíños a sangrar.

Preguntando por Magdalena

para que llos veña limpar….

Non veñas, Magdalena, non!

que mos vas lastimar.

Que estas son as cinco llagas

que por ti hei de pasar.

Pequeniños e grandiños

a todos hei de salvar

anque teñan tantos pecadiños

como de area hai no mar”

 

2- Ventana sobre ventana

naquela no mar de riba

estaba la Virgen María

con un ramalliño de oliva.

Eu pedinlle unha folliña

ela doume o seu cordón

de xunta o seu corazón.

 

Outras cántigas populares

 

3- Marica, miña Marica,

miña non quixeches sere,

casarás, inviudarás,

volverás ó meu podere

 

4-Hoxe é luns

mañán é martes,

carta feira logo vén

de hoxe en oito días

é a semana que vén.

 

5.-Eu casei para a montaña

porque había moito pan,

o forno de miña sogra

bota silvas no verán.

 

6.-O piollo e maila pulga

ordenaron de cocer

tiñan o lume no forno

e a fariña sen moer.

 

7.-Arriba e abaixo non

arriba e abaixo non,

onde se dá a laranxa

tamén se dá o limón

 

También te puede Interesar

× ¿Cómo puedo ayudarte?